SAT (Scholastic Aptitude/Assessment Test) müxtəlif siniflərdə təhsil alan məktəb şagirdlərinin oxuma, yazma və riyazi, SAT Subject isə müxtəlif məktəb fənləri üzrə bilik və bacarıqları yoxlayan standartlaşdırılmış, yararlılıq müddəti 5 il olan test imtahanlarıdır.

Hal-hazırda SAT imtahanı iki hissədən ibarətdir: Reasoning test(SAT 1) və Subject test (SAT 2). SAT 1 imtahan nəticəsi  xaricdə təhsil almaq üçün ən çox tələb olunan göstəricidir, 3 hissədən ibarətdir: Math, Critical Reading və Writing.

SAT 2 isə nisbətən daha az və spesifik təhsil müəssisələri tərəfindən istənilir, xüsusi fənn biliklərinin (fizika, tarix, kimya, biologiya və s.)  yoxlanılması məqsədi daşıyır.

SAT xüsusən tibb, mühəndislik, IT və digər texniki sahələrdə bakalavr təhsili almaq istəyənlər üçün nəzərdə tutulub. Təhsilini ABŞ, Türkiyə yaxud Avropada almaq istəyənlər hökmən yaxşı imtahan nəticəsi göstərməlidirlər. Yüksək nəticə həm də təqaüd qazanmaq üçün şans yaradır.